ACARA MINGGU PABORHATHON DOHOT MANGOJAKHON PANDITA RES

HKBP RESSORT CIMAHI JL. SISINGAMANGARAJA

Jln. Sisingamangaraja No. 174

Telp.: 022-6646339, E-Mail: hkbp_sisingamangaraja@yahoo.co.idPaRTORDING PARMINGGUON

PABORHATHON

Pdt. Oloan Nainggolan, S. Th

(Pendeta HKBP Ressort Perumnas II Bekasi Distrik XIX Bekasi)

Dohot

MANGOJAKHON

Pdt. Advent Leonard Nababan, D. MinPdt. HKBP Ressort Cimahi Sisingamngaraja Distrik XVIII Jabartengdiy)

                  

                  

Minggu X DUNG TRINITATIS

24 Agustus 2014 Pkl. 10. 30 WIB

di

HKBP Ressort Cimahi jl. Sisingamangaraja

Na ni Uluhon ni

Praeses HKBP Distrik XVIII Jabartengdiy

Pdt. Josmar Sinaga, S.Th.

       I.            PANGARADEON:

Prosesi Praeses, Pandita dohot Parhalado sian Konsistori mamasuhi bagas joro di iringi BE. No. 666 “Ingkon do boanonta Barita” (Jongjong ma Huria)

    II.            PARMINGGUON

1.       Joujou tu Pangaradeon

U  :  Horas ma di hita sude! Parhalado dohot ruas ni HKBP Ressort Cimahi Jl. Sisingamangaraja. Tama do hita mandok mauliate tu Debata pardengganbasa i, ala diloas dope hita marsaor di bagas joroNa, laos di Minggunta sadari on, paborhatonta ma panditanta Pdt. O. Nainggolan rap dohot keluarga marhobas di panghobasioan na imbaru di HKBP Ressort Perumnas II Bekasi, jala paojahon ma Pdt. A. Nababan gabe pandita HKBP Ressort Cimahi Jl. Sisingamangaraja. Antong, taparade ma rohanta mamuji dohot pasangaphon Tuhanta, marende ma hita :

2.       Marende BE. No. 210: 1-3  “O Tuhan na marasiroha”       BL. 109

                    O Tuhan na marasi roha, na so tardodo jolma i

            Torop do halak sipardosa, na rap mamuji goarMi

            Dibaen basaM na godang i, marhitehite Jesus i

                        Dibahen Ho do pardengganan, pasaehon dosa i sude

                     I do manghorhon haluaon, di hita na tarjea i

                     I pe mauliate ma au on di Ho o Debata.

~~~~~ jongjong ~~~~~

               Naung ro do Tondi Parbadia tu huriaM sinuruMi

            Manunggul roha na porsea di nasa na pinillitMi

            Mamuji Ho do ala ni rohangku na imbaru i

3.       Votum - Introitus

U  :  Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen! Tigor do angka dalan ni Jahowa, jala halak partigor mardalan disi; alai anggo halak parjahat tarsulandit do disi. Haleluya!

H  :  (Mangendehon : Haleluya, haleluya, haleluya)

U  :  Martangiang ma hita: Ale Tuhan Debata, parasiroha jala na bonar mauliate hudok hami, ala dipabinsar Ho tu hami Barita na Uli, na manondangi rohanami. Ai ala ni i umbahen hutanda hami Ho dohot lomo ni rohaM. Dipangido rohanami naeng mangulahon lomo ni rohaM hami saleleng di ngolu on, jala naeng martua hami bahenonMu. Sai parbadiai ma rohanami marhitehite TondiM, jala pargogoi ma hami mangorom hisaphisap dohot manggotaphon roha portibi on. Sai palas ma rohanami mangoloi Ho ala ni AnakMu Tuhan Jesus Kristus Tuhan nami. Amen!       ( h u n d u l )

4.       Marende BE. No. 121: 1 “Jesus raja ni huria”                           BL.  97

                Jesus, Raja ni huria na porsea, Na badia pasupasu ma au on

         Sai sungguli ma rohangku mangihuthon Ho, Rajangku

         Pargogoi ma au tongtong pargogoi ma au tongtong

5.      Patik

U  :  Tangihon hamu ma Patik ni Debata i ma na tarsurat di 1 Petrus 3: 8-9:  “Angkup ni i, saroha ma hamu saluhutna, sapangkilalaan, angka na marholong ni roha di dongan, na marasi ni roha, na serep! Unang ma baloshon hamu na jat alo ni na jat, panginsahion alo ni panginsahion; lam mamasumasu ma hamu, ai naeng teanonmuna do pasupasu, umbahen na tarjou hamu”. I ma sahatna. Antong rap mangido gogo ma hita sian Tuhan Debata laho mangulahon PatikNa i.

U/H : Ale Tuhan Debata, sai pargogoi ma hami mangulahon na hombar tu PatikMi, amen.

6.      koor:     a.   shofar                        

b.   koor ama anugerah

7.      Marende BE. No. 683: 1-2   “Di adopanmu jesus”

Di adopanMu Jesus lea tutu do diringkon

Dibaen godang ni dosangkon di adopanMu Jesus   ~~~ jongjong ~~~

      Di adopanMu Jesus marsomba au huhut tungki

      Lao manopoti dosangki di adopanMu Jesus

8.       Manopoti Dosa

U  :  Huria ni Tuhanta, tahalashon do pambahenan dohot pangaramotion ni Tuhanta di hita ganup marsadasada. Alai nang pe songon i, ingkon rajumanta do pardosa hita marhite sude angka pangalaosionta. Ala ni i tapangido ma hasesaan ni dosanta:

(Tingki na hohom)

 ----- Organ mangendehon BE. No. 683 angonangon -----

U  :  Ale Debatanami parasiroha jala na badia, Amanami marhitehite Tuhan Jesus Kristus! Manang piga hali hami ro tu joloM, huhilala hami ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung na jotjot do hami manimbil sian angka dalanMu na badia i. Sai unang pabali hami sian joloM ala ni dosanami i.

H   :  (Mangendehon angonangon  BE. No. 683 : 3  “Di adopanMu Jesus”)

                        Di adopanMu Jesus tarsolsol bagi rohangkon

      Muba ma au tu jolo on di adopanMu Jesus

U   :  Asi ma rohaM di hami, sai patongtong ma di hami roha hamauliateon tu Ho. Pamalum ma saluhut na bernit binahen ni dosanami. Ro ma Ho mangingani hami, asa marlas ni roha hami mangulahon lomo ni rohaM.

H   :  Molo hupaingotingot hami pangalahonami nasailaon na i, godang do hahurangan, dosa nang pangalaosionnami maradophon Debata. Jotjot do huarsahi hami dongannami, dongan sajabu, dongan sahuta, dongan saulaon, dongan sahuria, suang songon i angka natoras dohot sisolhot pe. Ale Tuhan, asi ma roham di hami.

U   :  Ale Tuhan, asi rohaM, molo sipata gale ruas ni huriaM, sipata lupa manghamauliatehon denggan ni basaM, lupa manangianghon huriaM, lupa manangianghon nang naposoM. Hurang malo ruasMi marparsaoran dohot naposoM, ajari ma jala paingot sude ruas ni huriaM asa sai tongtong manghalashon huhut manangiangkon angka napasoM na pinillitMu pararathon Barita na Uli i.

H   :  (Mangendehon angonangon BE. No. 688 : 1-2 “Tuhan”)

        Tuhan jotjot do marsak donganki, ala na sala pambahenanki

        Hatangku langka nang parulanki, jora ma au.

                   Pangkulingki pe tupa so une, mambaen jut roha ni donganku pe

                   Pingkiran, hata na hurang ture, jora ma au.

U   :  Bagabaga ni Debata taringot tu hasesaan ni dosa! “Parasiroha jala pardenggan basa do Jahowa, lambat tarrimas jala parasiroha godang. Ndang dibahen tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana”. Hasangapon ma di Debata na di ginjang!

H   :  Amen!                                                                               ( h u n d u l )

9.      KOOR:     a.   HKBP Perumnas ii bekasi                        

b.    koor ama sion

10.  Marende BE. No. 461: 1 “Songgop tu hami”             BL. 407

Songgop tu hami na di joloMon, o Tondi ni Debatangki

Uhir patikMu tu rohangkinon,O Tondi  ni Debatangki

Bereng siholhu di haroroMi, molo Ho ro, nda hisar tondingki

Didihon ma tu au on apiMi, O Tondi ni Debatangki

11.  E p i s t e l

U  :  Epistel di Minggu sadari on tarsurat di  Jesaya 51: 1-6:

        Tangihon ma ahu hamu angka na mangeahi hatigoran, angka na mangalului Jahowa! Paberengbereng hamu ma dolok batu hapultahanmuna dohot  godung parsumuran na hinali, haruaranmuna i.

H  :  Paberengbereng hamu ma si Abraham, ompumuna dohot si Sara na manubuhon hamu; ai punjung sasadasa do uju na hujou, asa hupasupasu ibana jala hupatorop.

U  :  Ai asi do roha ni Jahowa mida Sion, asi do tutu rohana mida sude ingananna na tarulang, jala doshon Eden dibahen halongonanna jala tanona bakkalbakkal songon porlak ni Jahowa; jumpang ma disi las ni roha dohot hariburon, hamauliateon dohot soara pujipujian.

H  :  Patinggil ma pinggolmu ale bangsongku tumangihon ahu, jala tangihon ahu hamu ale angka naposongku! Ai sian ahu haroroan ni patik, jala patindangonku uhumhu bahen panondang di angka bangso.

U  :  Nunga jonok hatigoranku, nunga borhat hatuaonku, ingkon uhumon ni tanganku do angka bangso. Marhaposan tu ahu ma angka pulo jala marhanalomhon tanganku do nasida.

H  :  Manaili ma matamuna dompak ginjang, jala mamereng ma hamu dompak tano i; ai laho salpu do angka langit songon ombun, jala laho matua sogot tano on songon ulos, jala pangisina i marmatean songon i; alai anggo hatuaonku ro di salelenglelengna do, jala hatigoranku ndang olo muba.

U  :  I ma sahatna. Martua ma  na tumangihon Hata ni Debata, jala na umpeopsa.

H  :  Amen !

12.   Koor : koor ama ora et labora

13.  Marende BE. No. 128: 4-5  “ditanda debatanta”            BL.  162

        Ditanda do nasida dibaen holong sude

      Rohana di Ibana nang di donganna pe

   Ai i do na mandasdas nasida sai tongtong

      Asa tung dipatolhas PatikNa i  sintong

      Asa tung dipatolhas PatikNa i sintong

                                                                                    ~~~ jongjong ~~~

                        Sai songon i ditanda Tuhanta jolma i             

                     Na mangoloi hataNa  di nasa bangso i

                     Haporseaon i do partinandaan i

                     Padohot pangkirimon nang haholongon i

                     Padohot pangkirimon nang haholongon i.

14.  Manghatindanghon Haporseaon

U  :  Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok :

U/H:          Ahu Porsea…………..d.u…………Amen.          ( h u n d u l )

15.   Koor :    A.  ppd hkbp distrik xviii jabartengDiy

B.  KOOR AMA GABUNGAN

16.   T i n g t i n g (warta jemaat)

17.   Koor : SEKSI PAROMPUAN               

18.   Marende BE. No. 187: 1…. “DENGGAN DO PANOGUM”               BL.  200

(Papungu Pelean Ia + Ib)

       Denggan do panoguM ale Jahowa di angka na pinarmahananMi

       Tagamon baheononMu ma na roa so tarbunihon Ho do burjuMi

    Jotjot suhar do pambahenanMi di roha ni na so tumanda Ho

       Alai marhite sian i do ro tu hatiuron na tinoguMi

~~~~ musik ~~~~

       Tung patik angka na binaen ni jolma mangihuthonon ni TondiM disi

       Ho na tongtong sumurung i marroha sai ingkon pasautonMu tahiMi

       Sai talu do na hum mangalo Ho dipangke pe sude gogona i

       Ai Ho do na so halompoan i na tinahiM sai ingkon jumpang do

~~~~ musik ~~~~

       Dialo Ho sude na jungkat  roha na timbo i dipatutoru Ho

    Alai sude na serep i marroha i do na sai diasiasi Ho

    Parhata na gogo di tano on dihagigihon rohami sude

    Na dangol i ditatap  Ho hape naeng urupanMu angka i tongtong

~~~~ musik ~~~~

       O Tuhan sai pinuji ma goarMu ai dipangolu Ho do hami on

       Tandaonnami ma pambahenanMu dung dipatiur Ho do mata on

       O Debata lomo do rohaMi manogu hami di na rodop on

       Holong  do rohaMi di hami on naeng sahat tu lambungMu baenonMi

19.  Jamita : Rom 12: 1-8   (Pinatolhas ni: Pdt. J. Sinaga, S.Th.:  Praeses HKBP Distrik XVIII Jabartengdiy)

20.  Marende BE. No. 122 : 1 .... “ida hinadenggan ni”         BL. 13

(Papungu Pelean II + DSH di hundulan)

Ida hinadenggan ni angka na  saroha i

Parpambaenan na burju nang hatana pe  tutu

~~~~ musik ~~~~

Sai hushus uapna i songon bungabunga i

Angka na tinompa i pajengkarhon tano i

~~~~ musik ~~~~

Doshon nambur do tahe na sumorop sasude

Denggan ni parsaoran ni dongan na saroha i

~~~~ musik ~~~~

Diparbaga Debata tu na marsaroha, da

Pasupasu na godang i ma roha na sonang

~~~~ musik ~~~~

Ai di dia jumpang be haholongon i tahe

Ndang tarida i dison nang di liat tano on

~~~~ musik ~~~~

Holan di dirina be  do mansari jolma i

Dongan ndang ditatap be songon i do sasude

21. PASAHATHON LAS NI ROHANTA TU JOLO, MARHITE AMPLOP NAUNG DIPARADE TANDA LAS NI ROHANTA DI PANGHOBASION NI PDT. O NAINGGOLAN.

Marende BE. No. 807: 1…. “Debata ma mandongani ho”

                        Debata ma mandongani ho, ro di na pajumpang sogot

                        PangiringNa ndang mansohot, Debata ma mandongani ho

                                                Horas hita be horas be,sai pajumpang do hita muse

                                                Horas hita be horas be, Tuhan mandongani hita be

~~~~ musik ~~~~

                        Debata ma mandongani ho, di linggoman ni habongNa

                        Hangoluhon ma hataNa, Debata ma mandongani ho

                                    Horas hita be ………

~~~~ musik ~~~~

                        Debata ma mandongani ho di sude parungkilonmu

                        HaolonNa pamatangmu, Debata ma mandongani ho

                                    Horas hita be ……..          

                                                ~~~~ musik ~~~~

                        Debata ma mandongani ho, Hata i baen sinjatamu

                        Musu talu bahenonmu, Debata ma mandongani ho. 

                                    Horas hita be ……

 III.            ACARA PABORHATHON PANDITA RESSORT

1.       Marende BE. NO. 156: 2  “JAHOWA TUHANKI”                  BL. 149

(Tingki marende ro ma tu jolo Pdt. Oloan Nainggolan, S. Th

 dohot Inanta Soripada mangadophon  Praeses)

                        Naung dipatolhas Ho HataM tu siseanMu

                        Antong, nasida do muse parhiteanMu

                        Lao pararathon i tu liat tano on

                        Ai harajaonMi naeng lam bidang tongtong

2.       Praeses:

Hamu angka dongan Ruas dohot Parhalado Huria ni Tuhanta na di HKBP Ressort Cimahi Jl. Sisingamangaraja on, sadari on paborhatonta ma Pdt. Oloan Nainggolan, S. Th sian huria on tu inganan pangulaon na imbaru songon na niaturhon ni Pimpinan HKBP. Antong tabege ma jolo Surat Keputusan ni Pimpinan HKBP taringot tu parpindaan nasida.

3.       Manjaha Surat Keputusan :

(Pelaksana Sekretaris/Bendahara Distrik: St.Drs.A.Silalahi, BSc)

4.       Praeses (Huhut marsijalangan): Hamu Pdt. Oloan Nainggolan, S. Th.,  ahu Praeses Distrik XVIII Jabartengdiy  atas goar ni Ephorus  HKBP hupaborhat ma hamu sian Ressort on tu inganan pangulaonmu na imbaru, i ma Pandita HKBP Ressort Perumnas II Bekasi Distrik XIX Bekasi. Dipasupasu Tuhanta ma pangobasionmuna na saleleng on bahen sangap di GoarNa tau las ni roha di huriaNa, jala dipargogoi ma hamu nang Inanta Soripada (laos dijalang) mangulahon tohonanmuna di inganan na imbaru. Amen.

Martangiang ma hita:

Ale Debata, Amanami, na marhabangsa di banua ginjang, nunga dipaojak Ho HuriaM di tongatonganami, jala di suru Ho angka naposoM manghobasi huriaM, pujionnami do goarMu jala dohononnami mauliate tu Ho, ai Ho do na paloashon naposoMon marhobas di Ressort on saleleng on. Pasupasu ma i jala tumpahi asa marpabue gabe hasangapon di goarMu, bahen las ni roha di HuriaMi. Laos Ho ma napaborhathon nasida sian Ressort on, dongani jala iringiringi ma nasida tongtong. Pasupasu jala pargogoi ma nang keluarga nasida, asa saluhutna i gabe manumpak di ulaon nasida. Hupangido hami tu Ho, marhitehite AnakMu Tuhan Jesus Kristus Tuhannami. Amen.

5.        Marende BE. NO. 515: 1 “RINGGAS MA TAPABOA”                      BL 410

(Tingki marende mulak ma nasida tu hundulan, laos ro ma tu jolo

Pdt. Advent Leonard Nababan, D. Min dohot Inanta Soripada)

               Ringgas ma ta paboa naung monang Kristus i

               Rade do hasesaan ni angka dosa i

         Di goar ni Tuhanta i do hamonangan i

         Ringgas ma ta paboa naung monang Kristus i

IV.    ACARA MANGOJAKHON PANDITA RESSORT

1.      Praeses:

Hamu angka dongan ruas dohot Parhalado huria ni Tuhanta na di Ressort on, di ari on, laos paojakhon do Amanta  Pandita Ressort na imbaru. Mardomu tusi tabege ma jolo Surat Keputusan ni Pimpinan HKBP taringot tu penempatan nasida.

2.       Manjaha Surat Keputusan:

                 (Pelaksana Sekretaris/Bendahara Distrik : St. Drs. A. Silalahi, BSc)

3.      Praeses:

Hamu Pdt. Advent Leonard Nababan, D. Min, nunga dibege hamu Surat Keputusan ni Pimpinan HKBP taringot tu penempatan muna gabe Pandita HKBP Ressort Cimahi Jl. Sisingamangaraja. Antong tabege ma ulaon ni Pandita Ressort HKBP hombar tu Aturan dan Peraturan HKBP 2002 Bindu 7 halaman 35 – 36: (Nanijahahon ni Anggota MPS/ MPSD).

4.      Ulaon ni Pandita Ressort

1.     Manguluhon Ressort rap dohot Parhalado Ressort

2.     Manguluhon Huria Sabungan ni Ressort i rap dohot Parhalado Partohonan.

3.     Manguluhon Rapot Ressort, Rapot Parhalado, dohot angka rapot na marrumang tirket Ressort.

4.     Mamingkiri nasa na ringkot na tau pangoluhon dohot paheheon Huria dohot Parhalado na di Ressort.

5.     Maniroi Huria na masuk tu Ressort i laho manggohi tanggungjawabna.

6.     Patulushon haputusan ni Sinode Godang, Rapot Majelis Pekerja Sinode, Rapot MajelisPekerja Sinode Distrik dohot Rapot Ressort.

7.     Mangaramoti dohot maniroi parhepengon dohot arta ni Huria na masuk tu Ressort i.

8.     Patupa evaluasi dohot mangalehon laporan pangulaon, statistik dohot keuangan Ressort tu Rapot Ressort dohot Praeses.

5.      Praeses:

Hamu Pdt. Advent Leonard Nababan, D. Min, nunga dibege hamu Aturan ni Huria taringot tu ulaon ni Pandita Ressort. Antong na manungkun ma ahu nuaeng  tu hamu, di jolo ni angka dongan na marpungu di son dohot  di jolo ni Tuhan Jesus  Kristus, Raja jala nampuna Huria i : Na olo do hamu paojakhon gabe Pandita HKBP Ressort Cimahi jl. Sisingamangaraja? Na olo do hamu mamelehon dirimuna mangaradoti angka ulaon i hombar tu na diaturhon di HKBP ? Dok hamu ma alus muna.

6.      Pdt. Advent Leonard Nababan, D. Min:

Na olo do ahu, sai didongani Asi Ni Roha ni Debata ma ahu patupahon saluhutna i

7.      Praeses (Huhut Masijalangan):

Marhitehite  Goar Ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, atas goar  ni Ephorus HKBP di Minggu X Dung Trinitatis sadari on tanggal 24 Agustus 2014, hu paojak ma hamu, gabe Pandita HKBP Ressort Cimahi Jl. Sisingamangaraja. Didongani jala di pargogoi ma hamu mangulahon ulaon i, bahen sangap di goarNa. Didongani jala di pargogoi Tuhanta ma nang Inanta soripada mangurupi hamu (laos dijalang) Amen!

8.      Pasahathon Tu Huria (Pandita dohot Inanta mangadophon Huria)

Praeses:

Hamu angka dongan Ruas dohot Parhalado Huria ni Tuhanta na di Resort on, nunga hupaojak hami Pandita na manguluhon Ressort on, hupasahat hami ma nasida tu Ressort on, jangkon hamu ma nasida di bagasan tangiang huhut urupi hamu asa manjadi ulaon nasida jala marlas ni roha dohot keluarga nasida di Ressort on.

Huria:

Di bagasan roha mauliate tu Debata Ama dohot Tuhan Jesus Kristus Raja ni Huria i dohot Tondi Parbadia hujangkon hami ma hamu Amanami  Pdt. Advent Leonard Nababan, D. Min rap dohot keluarga manguluhon Ressort on, sai di pargogoi jala diurupi Tuhanta ma hamu gabe pasupasu tu hurianta.

9.      Praeses:

Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ai ndang dipaloas Ho huriaMi so marparmahan. Alai dipabangkit Ho do naposoM Pdt. Advent Leonard Nababan, D. Min gabe Pandita HKBP Ressort Cimahi jl. Sisingamangaraja on. Asi ma rohaM lehon ma TondiM na badia I margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Ressort on. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami. Pasupasu jala pargogoi dohot Inanami, pangurupi na nilehonMi tu naposoMon, suang songoni nang ianakkon nasida. Hupangido hami tu Ho marhitehite AnakMu Tuhan Yesus Kristus Tuhannami, Amen.

V.       MANDOK HATA

1.      Hata patujolo sian Pdt. Advent Leonard Nababan, D. Min

2.      Hata partadingan sian Pdt. Oloan Nainggolan, S.Th

3.      Kata Sambutan:

a.  Mewakili Ruas                                          : Ir. B.B. Naibaho

b. Mewakili Parhalado                                              : St. C.H. Manullang

c.  Pasahathon Cendramata sian Huria                       : Parhalado Parartaon

d. Mewakili MPS/MPSD Distrik  XVIII  Jabartengdiy

e.  Hata bimbingan sian Praeses Pdt. Josmar Sinaga, S.Th

VI.        PAUJUNGHON PARMINGGUON

1.       Marende BE. No. 720 :1 “Naeng marsinondang ngolungku”     ( jongjong)

              Naeng marsinondang ngolungku di igil Jesus i

              Manang didia pe ahu tongtong huingot i

              Tiur marsinondang ido ni igil ni Jesus, tongtong

              Marsinondang panondang do au tutu

2.       PAMORHATION

 U : Didok Tuhanta Jesus Kristus: Hamu do sira ni tano on. Borhat ma hamu mamboan haimbaruon tu tongatonga ni masyarakat, asa dohot nasida mandai denggan basa ni Debata, jala mangolu di bagasan dame dohot holong ni roha. Sai tong ma lambok hatamuna songon na siniraan, asa boto on muna alus na patut tu ganup jolma.

 H : Lehon ma tondiM tu ahu ale Debata, asa margogo ahu mamboan dame dohot holong ni roha na paimbaruhon i.

 U : Didok Tuhanta Jesus Kristus: Hamu do panondang ni portibi on. Naeng songon i ma marsinondang palitomuna di jolo ni halak, asa diida angka pambahenanmuna na denggan i, asa dipuji nasida Amamuna na di banua ginjang i. Togihon hamu ma angka na di haholomon tu hatiuron marhite parange na denggan, jala na badia.

 H : Sondangi ma rohangku ale Debata, asa marparange na denggan ahu bahen panondang di saluhut jolma.

U  : Mangolu ma hamu  ganup ari dibagasan habasaon ni roha, hatigoran dohot hasintongan, ai angka i do parbue ni na tiur i. Borhat ma hamu pabidangkon dohot pahembangkon asa lam manamba bilangan ni na dapotan haluaon di harajaon ni Debata.

U/H: (Mangendehon) BE. NO. 792: 1 “Pasupasu hami O Tuhan”  

              Pasupasu hami o Tuhan sai usehon dameMi

              Sai ampehon tanganMi Tuhan lehon tu au gogoMi

              Di portibion, baen ma au Tuhan, habaoran ni las ni roha

           Tu na marsak i tu na dangol i gabe pangapuli i

           Pasupasu hami o Tuhan saiusehon dameMi

           Sai ampehon tanganMi Tuhan lehon tu au gogoMi

VII.     TANGIANG PELEAN - ALE AMANAMI – PASUPASU- AMEN (3x)

VIII.  Acara Ramah Tamah diatur oleh Panitia !!!

PROFIL PDT. O. NAINGGOLAN, S.Th

Tanggal Lahir      : 10 Oktober 1965

Menikah                               : 14 Desember 1991

Tahbis                   : HKBP Jl. Kartini Tebing Tinggi

Tanggal Tahbis   : Minggu 19 Juli 1991

Pelayanan          

 1992 – 1993        : Anggota Komisi Aturan

1993 – 1996        : Pendeta HKBP Ressort Bakaran Batu Distrik XIV Tebingtinggi Deli

1996 – 2000        : Pendeta HKBP Ressort P. Sidempuan

2000 – 2001        : Pel. Pendeta HKBP Ressort Habinsaran P. Sidempuan

2001 – 2005        : Pendeta di HKBP Bandung Riau Martadinata

2005 – 2009        : Pendeta di HKBP Bandung Barat

2009 – 2014        : Pendeta HKBP Ressort Cimahi Jl. Sisingamangaraja

KELUARGA:

Nama Istri            : T. br. Harianja, S.Pd

Anak                     :

1.       Christoffel B.H. Nainggolan

2.       Johan Yeremi Nainggolan

3.       Naomi Yolanda Nainggolan

                              

PROFIL PDT. ADVENT LEONARD NABABAN, D.Min

Tanggal Lahir      : 22 Desember 1969

Tahbis                   : HKBP Harapan Jaya Ressort Purumnas Bekasi

Tanggal Tahbis   : 10 Nopember 1996

Menikah               : 03 Juli 1997

Pelayanan

1995 – 1996        : Calon Pendeta di HKBP Pangururan

1996 – 1997        : HKBP Pardomuan Sebanga Duri

1997 – 1998        : Gereja Oikumene Pendopo Palembang

1998 – 2001        : HKBP Sakokenten Ressort Palembang

2001 – 2007        : HKBP Soeprapto Jakarta Pusat

2007 – 2014        : Pendeta HKBP Ressort Perumnas II Bekasi

KELUARGA

Nama Istri            : R. br. Purba

Anak

1.       Debora Widya Bella Nababan

2.       Winfrits Jeremia Abner Nababan

3.       Charity Theresia Agnes Nababan

MAJELIS DAN JEMAAT HKBP  

RESSORT CIMAHI JL. SISINGAMANGARAJA MENGUCAPKAN:

SELAMAT MELAYANI DI  HKBP RESSORT PERUMNAS II BEKASI:

PDT. O. NAINGGOLAN, S.Th  DAN KELUARGA

&

SELAMAT DATANG DAN SELAMAT MELAYANI

DI HKBP  RESSORT CIMAHI JL. SISINGAMANGARAJA:

PDT. ADVENT LEONARD NABABAN, D.Min BESERTA KELUARGA