Wednesday, 23 July 2014

PARTURE NI SERMON AMA HKBP CIMAHI JL. SISINGAMANGARAJA (Sabtu, 26/07/2014)



1.      Pangaradeon
L   :    Pinuji ma Debata, ala ni denggan ni basaNa na sai tongtong mandongani, huhut mamasumasu pardalanan ni ngolunta sahat tu borngin on di Sermon Ama HKBP Cimahi Jl. Sisingamangaraja. Taparade ma rohanta dibagasan sada ni roha asa bongot hita tu pamujion marsomba tu joloNa.

-----------------------------di tingki na hohom sangombas ------------------------------------

2.      Marende BE. No. 557: 1-3 “Dao dumenggan”
                                Dao dumenggan, asi ni rohaM dao ummarga sian ngolungkon
                                Sai pujionku ma Ho Tuhanku, dao ummarga, asi ni rohaM
                  Ala goarMu ro do au tu Ho, herbang tanganhu lao mamuji Ho
                  Dao ummarga sian ngolungku,  dao dumenggan asi ni rohaM
~~~~ jongjong ~~~~
      Dao dumenggan holong ni rohaM dao ummarga sian ngolungkon
      Sai pujionku ma Ho Tuhanku, sandok ngolungku do mamuji Ho
3.      Votum – Introitus – Tangiang!
L   :    Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen! Pujionku ma Jahowa sian nasa roha di luhutan ni angka partigor dohot di huria i.
H  :    Balga do angka pambahenan ni Jahowa, hinalungunhon ni sude angka na lomo roha disi.
L   :    Hamuliaon dohot hasangapon do parulaonna i, jala hot do jongjong hatigoranna i salelenglelengna.
H  :    Nunga dibahen Ibana sada parningotan di halongangan angka na binahenna i, pardengganbasa jala parasi roha do Jahowa.
L   :    Nunga diparbohali angka na mangkabiari Ibana, diingot do padan binahenna i ro di salelenglelengna. Haleluya! Martangiang ma hita: Ale Debata Amanami Parasiroha Bolon. Tatap ma hami na pungu on, ama ni huriaM na sai tongtong mauas di hataM. Ajari hami tongtong, asa hataMi ma na sumurung di ngolunami, asa lam dipapatar tu hami dalan hatiuron, asa monang hami mangalo sumbia ni portibi on. Pahot ma haporseaonnami jala suru ma TodiM Tondi Parbadia i tubagasan roha nang pingkirannami, asa margogo hami manguluhon keluarganami, mangulahon nasa tugas tanggungjawabnami. Ala ni Kristus Jesus sihophop hami. Amen!
4.      Marende BE. No. 194: 1-2 “Aut so Asi RohaM”
            Aut so asi rohaM aut so godang basaM tu dia au
            Alai dibaen basaM dohot asi rohaM tu surgo au
Mauliate ma di Ho o Debata ala basaM
                        Sibahen dalan i marhite AnakMi tu banuaM

5.      Raisara nuaeng di dongani Jahowa do hita!
L   :    Tama do hita sangombas marningot angka na masa di tonga ni ngolunta. Dipartingkian on, nunga lam tu maolna mangalului ngolu si ganup ari. Ragam do jolma holan na pasarisari tu dirina sandiri, masitombisan, masibahen lomona sambing. Di na deba lam to dorasna do angka persaingan mambahen sipata lomos roha, sipata gabe ro nang biar dohot na mandate. Alai taingot ma Tuhanta i. Ibana do haporusanta, sai didongani jala diparmudumudu do ngolunta. Disarihon do tongtong ngolunta, ndang dipaloas tarsulandit patta. Naeng ma tangkas nang dohononta:
H  :    Eben Ezer, “Rasirasa nuaeng di dongani Jahowa do hita”
L   :    Godang do angka na masa na mambahen hita boi sungkun sungkun, dolok na matorban, lalo na marluatluat, hopal na madabu dohot na ditembak di Ukraina. Porang di Palestina – Israel. Godang na agoan arta lumobi ma agoan hosa. Tubu angka na marlomolomo masibahen na binotona. Godang dope tahe na boi mambahen sai sungkunsungkun hita. Songon endenta i na mandok: “Sipata sai sungkunsungkun, sipata sai lulululu didia do Debata?” Alai taingot ma, molo pe sai songon na sungkun sungkun hita, alai anggo Debata hot do Ibana tongtong ro di saleleng ni lelengna. Antong dohononta ma:
H  :    Eben Ezer, “Rasirasa nuaeng di dongani Jahowa do hita”
L   :    Di tonga ni huria pe,  boi do jumpang pangalaho na andul sian hata ni Debata, hatangkangon, haormuson, parungutunguton, dohot angka na asing dope. Hape, huria i, ima Pamatang ni Kristus, na so boi tarsirang. Sada do hita di huria i, sarupa do hita di Tuhan i. Ingkon siboan hadameon ma ama, silehon pingkiran na denggan, angka mutiha na arga ma nian haruar sian pamanganta asa mangerbang huriaNa marsangap GoarNa. Asa dipardalanan ni huriaNa pe dohononta ma:
H  :    Eben Ezer, “Rasirasa nuaeng di dongani Jahowa do hita”
L   :    Songon i do nang di parrumatanggaon. Boi do nang disi jumpang hamaolon, godang nang sipingkiran. Ringkot situtu do panarihonon di ngolu siganupari, alai ingkon rumingkot ma nian partangiangon parsombaon manangkasi Hata ni Debata, asa marhite sian i, manang songon dia pe maol ni siadopan mangalugahon ruma tangga i, Hata ni Debata naung marsaringar i ma na margogihon hita. Alani i tama do hita nang mandok:
H  :    Alai anggo ahu dohot donganku sajabu, ingkon Jahowa do oloannami.
L   :    Dipatau ma sude ama, mangasahon Jahowa di gulmit ni ngoluna, si partangiang manguluhon keluarga, marpos ni roha huhut marpangkirimon tu Jahowa.
L+H: Eben Ezer, “Rasirasa nuaeng di dongani Jahowa do hita”
6.      KOOR:
7.      Marende BE. No 214: 1 “Sonang di lambung Jesus”
     Sonang di lambung Jesus sonang na ro tu si
     Unang be ho mabiar lao mandapothon i

     Tongtong dijouhon Jesus sai ro ma ho tu Au

     Tadingkon haholomon Jala haposi Au

     Sonang di lambung Jesus sonang na ro tu si
     Unang be ho mabiar lLao mandapothon i
8.      Manjaha hata ni Debata: Psalm 119: 129-136
L   :  Tung na sumurung do angka panindangionmi, ala ni do umbahen diradoti rohangku angka i.
H  :  Pangungkapon di angka hatami do patiur parnidaan, marrohaihon angka na oto.
L   :  Sai hupangangang do pamanganku jala marhoi, ai angka tonami do na huhauashon.
H  :  Sai dompakkon ma ahu, jala asi ma roham di ahu, mangihuthon uhum tu angka na mangkaholongi goarmi.
L   :  Sai  pahot ma langkalangkangku marhitehite bagabagam, jala unang loas dirajai manang hajahaton dia ahu!
H  :  Sai palua ma ahu sian pangarupaon ni jolma, asa huradoti angka parentam!
L   :  Sai bahen ma bohim marsinondang tu naposom, jala podahon tu ahu angka aturanmi.
H  :  Sai mabakbak do ilu ni matangku hira pansur, ala so diradoti halak angka patikmi
L   : Ido sahatna! Martua ma na tumangihon Hata ni Debata jala naumpeopsa.
L+H: Amen!
9.      Tangiang Pangondianon!
10.  Marende BE. 826: 1-2  “Gohi Au Tuhan Marhite HataMi”
Gohi au Tuhan marhite HataMi  gohi au Tuhan marhite HataMi
Songon hudon na rumar do au Tuhan di sumurMi
Gohi au Tuhan marhite HataMi
      Gohi au Tuhan marhite HataMi gohi au Tuhan marhite HataMi
      Na mauas do tondingku O Tuhan di HataMi
      Gohi au Tuhan marhite HataMi
11.  Jamita:
12.  Marende BE. No.789: 1… “Lului Hamu Harajaon ni Debata”
Lului hamu harajaon ni Debata, rap dohot hatigoranNa
Tambahononna ma ondeng tu hamu Haleluya, Haleluya, Haleluya
haleluya, haleluya, haleluya, haleluya, haleluya
      Pangido ma sai na lehononNa do lului ma sai na jumpang
      Tuktuhi ma sai na ungkaponNa do, Haleluya, haleluya.
      Haleluya, ………
                  Ndada holan sipanganon na ringkot, baen hangoluan ni jolma
                  Tung nasa hata ni Debatanta do, Haleluya, haleluya.
                  Haleluya, ………

13.  Tangiang Pelean – Tangiang Ale Amanami – Pasupasu – Amen (3x)
14.  PANORANGION SIAN KETUA SEKSI AMA
15.  RAMAH TAMAH

Monday, 21 July 2014

ACARA NATAL 25 DESEMBER 2013





ACARA PESTA NA PARJOLO

PARNINGOTAN HATUTUBU NI TUHAN JESUS

Di HKBP CIMAHI RESSORT CIMAHI JL. SISINGAMANGARAJA


 




Thema :
Sai ro ma Ho, ale Raja Hadameon
Jesaya 9 : 5



TOPIK:
IMMANUEL LAPATANNA DONGANTA MA DEBATA

"Ida hamu ma, gabegabean do na marbaju i, tubuan Anak ma ibana; jala bahenon do Goarna Immanuel, lapatanna: Donganta ma Debata!"
Mateus 1: 23
Rabu, 25 Desember 2013
kl.10.00 WIB
I.          PARHOBASON
·      Parhalado rap martangiang di Bilut Parhobasan (Rg. Konsistori)
·      Prosesi sian konsistori tu Gareja, jongjong ma ruas ( diiringi musik sian BE. No.57)
·      Jongjong ma sude parhalado ni huria di jolo ni langgatan na niuluhon ni parjamita pasahathon Selamat Ari Natal.
·      Dung simpul pasahathon hata horas horas, mulak ma parhalado tu ingananna be.

II.   PARMINGGUON
01.          Pangaradeon
     L   : Huria nahinaholongan ni Tuhan Jesus Kristus, martangiang na hohom ma hita di bagasan rohanta be mangido tu Debata asa dipahibul roha dohot pingkiranta ala naeng bongot ma hita tu parsaoran na badia rap dohot Ibana di Pesta Parjolo Parningotan Ari Hatutubu ni Jesus Kristus.
                                     (martangiang na hohom diringi BE.593 sa-ayat)
Marende ma hita sian BE. No. 57:1-3   Nunga Jumpang Muse
02.          Marende Huria sian BE. No. 57 : 1 – 3 “Nunga Jumpang Muse    BL.202
1)   Nunga jumpang muse ari pesta i,  Hatutubu ni Tuhanta Jesus i
Tuat do Ibana sian surgo i, mebat tu hita on
Hasangapon di Debata, damedame ma di jolma
Las ni roha ni Debata hajolmaon muse.
2)   Beta ale dongan tu Betlehem i, ita somba ma dakdanak na disi
Na tinongos ni Parasiroha i, Debata Ama i.
 Hasangapon di Debata…
(jongjong)
3)   Sombanami ma di Ho, na tubu on, Ho siboan dame tu portibi on  
  Sai pasaorhon ma tu rohanami on, DameMi, o  Jesus.
Hasangapon di Debata…
03.          Votum – Introitus – Tangiang
     L   : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.
  L+H: Amen
     L   : Nunga tubu di hita sada posoposo, dilehon tu hita sada Anak, pampe tu abaraNa do sogot harajaon, jala bahenonNa GoarNa; Sipartahi halongangan, Ulubalang ni Debata, Ama saleleng ni lelengna, Raja ni Hadameon.
          H  : Endehon hamu sada ende na imbaru di Jahowa, endehon ma Jahowa, ale sandok tano on.
     L   : Pajojor hamu ma di tongatonga ni angka sipelebegu hamuliaonNa i, di tongatonga ni saluhut bangso halongangan, angka na binahenNa i. Marsomba ma hamu tu Jahowa marpahean na marhadohoan, angka hitir ma hamu maradophon Ibana, ale isi ni sandok tano on. Haleluya.
  L+H:(mangendehon) Haleluya…Haleluya…Haleluya
          L   : Martangiang ma hita :
Ale Amanami, ama ni Tuhan Jesus Kristus Tuhannami, na tubu di huta Betlehem. Sai pinuji ma goarMu na badia i, ala naung ditingkir Ho hami bangsoM. Ditogutogu Ho do hami sian haholomon tu hatiuron jala dipadomu Ho do hami na holang hian sian Ho, gabe saor muse dohot Ho. Gok halalas ni roha do hami ala ni i. Sai jalo ma hamauliateon ni rohanami, naung tinopotMu marhitehite AnakMi. Amen.                           
( hundul )
04.           Marende sian BE. No. 62:4+5  “Halalas ni roha godang”        BL.172
Sai sondangi ma rohangku, ale Tuhan Jesus i
Asa dohot au maruli di hatutubuMi
Reff  : Hasangapon di Debata, laos dame, dame, dame ma di jolma
                        Lomo ni roha ni Debata do hita jolma on
            Halalas ni roha godang sai songgopi rohangki
            Asa dohot au ummalo, mamuji goarMi. Reff: Hasangapon di Debata..........
05.           Patik
     L   :              Patik ni Debata di Pesta Parjolo Parningotan Ari Hatutubu ni Jesus Kristus, tarsurat di Rom 8: 30-31, songon on ma didok disi: Jala angka naung tinodona, i do dijou; jala na jinouna, i do dipintori; jala angka naung pinintoranna, i do dipasangap.
     H  : Onpe, aha ma dohononta disi? Molo Debata donganta, ise ma alonta.
     L   : I ma sahatna, antong rap mangido gogo ma hita sian Tuhan Debata laho mangulahon na hombar tu patikNa i.
L+H: Ale Tuhan Debata, sai pargogoi ma hami mangulahon na hombar tu PatikMi. Amen!
06.           Marende sian BE. No. 608:3+4         “O Betlehem na metmet i”
Hohom so pamotoan do saut bagabaga i
Sian banua ginjang ro Kristus Tuhanta i
Portibion ramun do binaen ni dosa i
Tu angka na manjangkon do ro Sipalua i
                              --- jongjong ---
O Anak na badia i, ro Ho tu hami be
Bongoti daging tondi i, parbadiai sude
Barita na ummuli, hutangi hami be
Sorang ma Ho dingolungki, Ale Immanuel
07.          Manopoti Dosa
     L   : Tapaunduk ma rohanta tu adopan ni Debata laho manopoti dosanta.
                 Martangiang ma hita: Ale Tuhan Debata, Amanami marhitehite AnakMu, Tuhan Jesus Kristus naung ro manopot hami jolma pardosa tu portibi on. Na ro do hami nuaeng tu adopanMu manolsoli dohot manopoti dosanami na godang i. Na jotjot do huarsahi hami Ho marhitehite hata dohot pambahenannami na so tama. Tama situtu do hami hona uhumMu ala ni angka dosanami i. Na ro do hami nuaeng tu joloM mangasahon asi ni rohaM mangido tu Ho: sai unang paingotingot angka dosanami, sai salpuhon ma saluhut dosanami i sian rohaM.
     H  : (mangendehon ½ soara) BE. No. 61:2    Na tau las ni roha        BL.2
Tung godang do dosa, pangunjunan pe
Mangarsahi hita, paima mate be
Mangarsahi hita, paima mate be
          L   : Ale Tuhan Debata, Parasi roha jala Partalup ni roha. Di pardalanan ni ngolunami tung jotjot do huhalupahon hami mangasahon hagogoon dohot huasoM, dirinami sandiri do sai hupangasahon hami. Gabe jotjot do hami madabu tu ngolu na marungutungut molo so dapot na tinembak ni rohanami jala molo masa tu hami parungkilon dohot sitaonon gabe madabu do hami tu pandelean. Ale Tuhan asi ma rohaM di hami na dangol on, sai marpangulahi ma roham di hagaleonnami.
     H  : (mangendehon ½ soara) BE. No. 61:5      Na tau las ni roha           BL.2
Sai tarapul ahu Tuhan dibaen Ho
Tua na tumimbul, dame jumpang do
Tua na tumimbul, dame jumpang do
     L   : Ale Tuhan Debata, Pargogo na so hatudosan, Amanami situtu di bagasan AnakMu, Tuhan Jesus Kristus. Nunga dipatuduhon Ho holong ni rohaM na so hadodoan i tu hami pardosa marhitehite na disuru Ho AnakMu, Tuhan Jesus Kristus tu portibi on. Hape tung jotjot situtu do hami ndang manghamauliatehon holong ni rohaMi marhitehite pambahenan di ngolu siganup ari. Ndang gabe habaoran ni pasupasuM hami tu dongannami jolma, ndang huhaholongi hami dongannami doshon dirinami. Ale Tuhan sai sundati ma torutoruM asa unang mangonai be tu hami. Sai lehon ma di hami partingkian paubahon roha jala sai pargogoi ma hami mangulahon na hombar tu lomo ni rohaM saleleng di portibi on dope hami. Ale Tuhan sai asi ma rohaM di hami, tangihon ma tangiangnami on holan ala ni AnakMu, Tuhan Jesus Kristus, Tuhannami. Amen.
---------------------------------martangiang na hohom --------------------------------
(manghuling musik sian BE.686 sa-ayat)
                 Tabege ma bagabaga ni Debata taringot tu hasesaan ni dosa: Songon sintong na mangolu Ahu, ninna Tuhan Jahowa, tung na so lomo do rohangKu mida hamatean ni parjahat, na lomo do rohangKu mida hamumulak ni parjahat i, tumadingkon dalanna, asa mangolu ibana. Hasangapon ma di Debata na di ginjang.
L+H   : Amen                      --- hundul ---
08.           KOOR: INA PAR ARI KAMIS
09.          Marende sian BE. No. 53 : 5+6   “Di Betlehem do tubu”                BL.51
Partohap di dagingku Ho, Debata hian
Tu Ho naeng au mardomu, Ho artangki hian
Olo, olo, Ho artangki hian

Sai unang sirang hita momosi ihot i
Di holong ni rohanta, O Jesus Tuhanki
Sai tong, sai tong di Ho ma rohangki
10.          Epistel
          L   : Epistel di Pesta Parjolo Parningotan Ari Hatutubu ni Tuhan Jesus, tarsurat di Jesaya 7: 10-17 , songon on ma didok disi: Angkup ni didok Jahowa ma mandok si Ahas, songon on:
          H  : Pangido sada tanda di ho sian Jahowa Debatam, pangido sian banua toru, manang sian banua ginjang sahali.
          L   : Jadi ninna si Ahas ma: Ndang olo ahu mangido, asa unang huunjuni Jahowa.
          H  : Jadi ninna si Jesaya ma: Ua tangihon hamu ma, ale pinompar ni si Daud! Ndang dope sae hamu pauruuruhon jolma, dohot do Debatangku naeng lojaanmuna.
          L   : Dibahen i apala Tuhan i sandiri ma mangalehon sada  tanda di hamu: Ida ma, gabegabean ma sada namarbaju, jala tumubuhon sada anak, jala bahenonna ma goarna: Immanuel.
          H  : Mantega dohot situak ni loba panganonna, paima diboto mambolongkon na jat, jala mamillit na denggan.
          L   : Ai  tagan so diboto dakdanak i dope mambolongkon na jat, jala mamillit na denggan, tarulang ma tano i na nirajaan ni na dua raja hinabiaranmu i.
          H  : Paroon ni Jahowa ma tu ho dohot tu bangsom dohot tu pinompar ni amam angka ari na so dung ro, olat ni ari hababali ni Epraim sian Juda, bahenon ni raja ni Assur.
          L   :              I ma sahat na, martua do angka na tumangihon Hata ni Debata jala na umpeopsa.
L+H   :           Amen
11.           Koor:
12.          Marende sian BE. No. 614:1+3     “Ro ma Ho  tu au”
          Ro ma Ho tu au O Jesus Tuhanki
            Sian banua ginjang tu rohangki
            Ro ma Ho tu au O Tuhan Sipalua i
            Dame binoanMu ndang natarasam i, O Tuhanki
                        Ende ni suruan pardisurgo i
                        Binege ni parmahan di ladang i
                        Nunga tubu Raja Kristus Sipalua i
                        Di huta Betlehem peak di bara i, O Tuhanki
13.          Manghatindanghon Haporseaon
     L   : Tahatindanghon ma haporseaonta i songon na hinatindanghon ni donganta sahaporseaon di sandok portibion, rap ma hita mandok.
L+H: AHU PORSEA DI DEBATA JAHOWA......d.u.                          (hundul)
14.          Sunggulsunggul
15.          Marende sian BE. No. 615:1- ....       “Tarbege surusuruan marende”
( Papungu Pelean 1a & 1b)
Tarbege surusuruan marende mansai uli
Angka dolok dohot rura, gok do saringarna i
Reff  : Sangap ma, sangap ma di Tuhan
                        Sangap ma, sangap ma di Tuhan
                                      (musik)
Las roham ale parmahan, nunga tubu Kristus i
Rap marende ma hamuna, pasangaphon Raja i
Reff: Sangap ma,...........
                                (musik)
Borhat ma hamu marnida, tu huta Betlehem i
Somba Kristus Sipalua, naimbaru tubu i
Reff: Sangap ma,…………..
                                (musik)
Ida ma di panggagatan, Sipalua na ro i
Sigomgomi parluhutan, langit dohot tano i
Reff: Sangap ma,……………
(musik)
16.          Jamita: Mateus 1: 18-25 (Pinatolhas ni Pdt. O. Nainggolan)
17.          Marende sian BE. No. 49:1…     “Sai ro ma tu bara”               BL.47
( Papungu Pelean Tumpak tu Ulaon Diakoni Sosial HKBP Pusat )
Sai ro ma tu bara di Betlehem on, hamu na porsea hatop ma tu son
Marnida halasan ni rohanta i, tinongos ni Ama na di surgo i
--- musik ---
O, ida hamu ma di bara inon, Dakdanak na tubu disi borngin on
Uli do rupaNa, mataNa tiur, O bereng Ibana, ho gabe tiur
--- musik ---
Las roha Maria, nang Josep disi, marnida na metmet na sorang tusi
Marsomba tu patNa do parmahan i, di ginjang marende pardisurgo i
--- musik ---
Pasinggang ma totmu, hamuna sude, maniru parmahan marsomba muse
Marende hamu, na marlas roha i, maniru suruan na di ginjang i
--- musik ---
Sai dok ma O Anak ni Debata i, Ho ro sian ginjang dibaen AsiMi
Di hami sudena na mardosa on, mambaen haluaon di hami tongtong
--- musik ---
Tung aha ulaning denggan ni rohaM, silehononnami baen las ni rohaM
Nang sere, nang perak, ndang pinangidoM, ai roha na ias sambing do lomoM
--- musik ---
Antong rohanami ma peleanMi, O Jesus, hasian, sai jalo ma i
Ias jala sonang ma baen angka i, tongtong gabe domu ma tu rohaMi
--- musik ---
18.          Marulaon Na Badia
ü Holan naung manghatindangkon haporseaon (Sidi) do na boi mandohoti Ulaon na Badia.
ü Na so Sidi dope hundul ma di inganan na be.
a)    Antong taparade ma rohanta ganup di sihol ni rohanta mangauhon panghophop ni Jesus asa parjambar hita di haluaon na pinaradeNa i (hohom ± 20 detik).
b)   Marende BE. No. 179 : 1-2     “Adong do sada mual”                         BL.20
1.        Adong do sada mual i di na mardosa i
Mansai denggan do mual i, pasonang rohangki.
2.        Aek mual na badia i, i ma di Jesus i
       Di sesa do tihasta i, dibuat arsak i.
c)    Liturgi Parpadanan na Badia
d)   Marende BE. No.153 : 1   “O Jesus, naung sineat”               BL.126
1.    O Jesus, naung sineat di hau na pinarsilang,
RohaM tongtong daulat, nang uju Ho tarhilang
Marutang hosa hami, di taon Ho dosanami.
Asi rohaM O Jesus.                     
e)    Ulaon Na Badia ( diiringi dengan nyanyian Perjamuan Kudus)
e.1. Parjolo ma Parhalado  marulaon na badia dung i diatur ma parborhat ni ruas.
e.2. Ro ma ruas tu jolo/ altar lao manjalo parpadanan na badia (diatur Parhalado).

Daftar Nyanyian Perjamuan Kudus / Marulaon Nabadia 
(setiap satu ayat bergantian dengan hanya musik)

BE. No.152            BL.120
Jesus, na mamorsan dosa ni portibi on, pangolu hami
Jesus na mamorsan dosa ni portibi on, sai pasonang hami. Amen, amen, amen
BE. No.227:1-….  BL.26
1.        Jesus ngolu ni tondingku, Ho do haporusanki
Gok di Ho na ma diringku, ro di na sa langkangki
2.        Lam tangkas ma patuduhon tu au on pangkophopMi
Asa i huhalungunhon; Hot ma au di lambungMi
3.        Jangkon au baen siseanMu, na girgir tu podaMi
Sai surdukkon ma tanganMu asa tong hutiop i
4.        Tangkup au Jesus Tuhanku, tiop au mansai gomos,
Asa unang runsur pathu sian dalan na tingkos
5.        Raphon Ho do au mangalo dosa dohot hisaphi
Ai sumurut do pangago, anggo Ho di lambungki
6.        TondiMi sai tong paian di au on tinobusMi
Tung patau ma au manean, pinarbagaMi.
BE. No.200:1-….  BL.106
1.    Di surgo do alealenta, na burju roha situtu
Ndang piga di banua tonga donganta na tongtong burju
Antong tabaen ma Jesus i tongtong alealentai
2.    Na meoleol songon arung do dongan na di tano on
Na hot do Jesus sumurung, donganna pe hot do tongtong. Antong...
3.    Sai marpambuat angka dongan di holong ni rohaNa i
Hape ianggo so dapotan, bolong do parsaoranna i. Antong...
4.    Humophop hita do tinaonNa, na bernit i di Golgata
Sude dosanta pinorsanNa, pasaehon i tu Debata. Antong....
5.    Sai dingkan hita do rohaNa, sintong do parsaoranNa i
Manongtong holong ni rohaNa di nasa na niainna i. Antong...
6.    O Jesus, alealenami sai tiop tangannami be
Tongtong rajai ma rohanami tu surgo togu hami be
Disi ma hot parsaoran i saleleng ni lelengna i
BE. No.449:1-….  BL.300
1.    Sai solhot tu silangMi, Jesus ingananku
Mual na mabaor disi, i ma inumonku
SilangMi Tuhanki i ma pujionku
Paima sogot sahat au, i endehononku
2.    Lao ma au tu silangMi, i haporusanku
Sai asi ma rohaMi unang tulak ahu
SilangMi Tuhanki i ma pujionku
Paima sogot sahat au, i endehononku
3.    Domu ma tu silangMi, i ma tioponku
Asa unang lilu au, Ho ihuthononku
SilangMi Tuhanki i ma pujionku
Paima sogot sahat au, i endehononku
4.    Laos maniop silangMi, sai paimanonku
GokkonMi tu surgo i, tu siteanonku
SilangMi Tuhanki i ma pujionku
Paima sogot sahat au, i endehononku
BE. No.353:1-…      BL.37
1.      Di surgo hasonangan i, inganan na dumenggan i
     Tusi naeng laho muli au, asa rap dohot Jesus au
2.      Tutu godang dope adong marningot au di tano on
     Sai tostosanku nama i, lao mandapothon surgo i
3.      Na dao dope au sian i, aik tung disungkun rohangki
     Tung ise be mandok tu au; na holong sian Jesus au
4.      Na porsuk nang na bernit pe, mansohot ma di surgo i
     Disi soada dosa be, mansohot nasa jea pe
5.      Ndang parmianan tano on, sai surgo i do na tongtong
     Ai rura partangisan on, di ginjang sonang rohangkon
6.      Dibahen i, o tondingki, jalahi na di surgo i
     Tibu ma ro mangalap ho Jesusmu, Sipangolu ho
7.      Denggan do tohapmi disi, di lambung ni Tuhanta i
Padoras ma tongtong langkam, naeng sonang ho di banuam
BE. No.452:1-….  BL.303
1.    Na ro pandaoni bolon i, i ma Tuhanta Jesus Jesus
     Didaoni marsahit i, hisar dibahen Jesus Jesus
     Reff : Uli ni barita i, las ni roha bolon i
             Sai dipuji rohangki Jesus, Jesus, Jesus
2.    Tung sae do dosa i sude, ai nunga mate Jesus
      Ndang jujuronNa i muse, parholong roha Jesus. Reff
3.    Na hansit na di rohangki dibuat Tuhan Jesus
     Antong, hamuna donganki, hatop ma ro tu Jesus. Reff…..
4.    Di ari haroroNa i boi idaonku Jesus
     Suksuk las rohangki disi, dung domu au tu Jesus. Reff…..
BE. No.86:1-….  BL.67
1.    Silang na badia i, Ho do lombu-lombungki
Maralohon dosa i dohot pandelean i
Di sude sitaonon i, Ho ma lombu-lombungki
2.    Nasa na hu ula i, ndang tau hasonanganki
Nang ringkot pe rohangki, pola ro nang ilungki
Holan asi ni rohaM, pangurupi, O Tuhan
3.    Ro do au nuaeng tu Ho, sai palambas ma rohaM
Nunga pola mate Ho, ala asi ni rohaM
Jangkon au na dangol on, sai ulosi tondingkon
4.    Dosa patundukkon au, Ho ma mangondihon au
Ramun situtu do au, mudarMi mamuri au
Na pogos, dangol au on, Ho ma artangki tongtong
5.    Silang na badia i, Ho do lombu-lombungki
Molo puas hodokki di na suda bohalhi
Di sude sitaonon i, Ho ma lombu-lombungki
BE. No.182:1-….  BL.24
1.    Tu joloM, O Debatangku, sai use do rohangkon
      Sai pasiat tangiangku dohot iluilungkon
2.    Husolsoli do rohangku na gok dosa i tongtong
     Ai godang ariaringku na hubahen ambolong
3.    Sai jotjot do hutadingkon dalanMi na tigor i
     Kristen au, hape hutondong, dalan hamagoan i
4.    Ala nii tungki rohangku, jongjong di adopanMi
     Sai asi rohaM Tuhanku, sesa nasa dosangki
5.    Haburjuon dimangmangkon, rohangkon nuaeng  di Ho
     Naeng tu surgo hutujuhon, Jesus, taiti au gogo
6.    Mangihuthon Ho, Tuhanku, i ma las ni rohangki
     I ma naeng padanhononku, dok ma amenmi disi

f) Marende Huria sian BE.No. 9 : 1  “Hupuji holong ni”    Bl.110
--- huria jongjong---
Hu puji holong ni rohaMu, O Tuhan Jesus, Rajangki!
Tu Ho hulehon ma tondingku, ai i do pinangidomi
     Hu halupahon ma diringku, mamingkir holong ni rohamu.
19.          Parsuruon (jongjong)
       Pdt  : Huria na hinaholongan ni Tuhan Jesus Kristus. Nunga marsaringar di tongatonganta Hata ni Debata, na pabotohon tu hita naung dipatulus Debata bagabagaNa tu hita marhitehite na marsuru AnakNa Jesus Kristus ro tu portibi on. Marhitehite Jesus Kristus dipapatar Debata tu hita balga ni holong ni rohaNa, ai marhite Jesus Kristus dipalua hita sian huaso ni dosa jala targoar hita anak ni Debata.

       H:      (mangendehon) BE. No. 597a:1        ”Baritahon di dolok”
Ø Baritahon di dolok di rura di sude inganan
Baritahon di dolok naung tubu Kristus i
Ro do surusuruan tu ladang Efrata
Mandapothon parmahan tompu mansai torang
Baritahon di dolok....
       Pdt  : Songon anakhon ni Debata hita, na tarjou do hita mamparbuehon angka na denggan di panggulmiton ni ngolunta di tongatonga ni portibi on. Borhat ma hita tabaritahon ma naung ro Jesus Kristus, Sipalua portibi on marhite na gabe sira dohot panondang hita, mangolu di bagasan holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon.
       H:      (mangendehon) BE. No. 597a:2                 ”Baritahon di dolok”
Baritahon di dolok di rura di sude inganan
Baritahon di dolok naung tubu Kristus i
Mabiar do Parmahan tu pardisurgo i
Angka surusuruan marende borngin i
         Baritahon di dolok....
20.          Tangiang Pelean – Tangiang Hatutubu ni Jesus Kristus - Tangiang Ale Amanami – Pasupasu – Amen (3x)


PARHALADO HKBP CIMAHI
RESSORT CIMAHI JL. SISINGAMANGARAJA
PASAHATHON
Selamat Ari Natal
25 – 26 Desember 2013
& 
Taon Baru 01 Januari 2014